14 gənc Çində DP çərçivəsində təhsil alacaq
18.08.2025 / Maraqlı məlumatlar
Növbəti tədris ilində “Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2028-ci illər üçün Dövlət Proqramı” çərçivəsində daha 14 azərbaycanlı gənc Çində təhsil alacaq.
Onların bəziləri dünyanın ən nüfuzlu 10 universitetinin siyahısında yer alan ali təhsil müəssisələrinə qəbul olub.
Proqram iştirakçıları aşağıdakı universitetlərdə təhsil alacaqlar:
• Honq Konq Universiteti (University of Hong Kong) – 9 nəfər
• Şanxay Jiao Tong Universiteti (Shanghai Jiao Tong University) – 2 nəfər
• Honq Konq Çin Universiteti (Chinese University of Hong Kong) – 2 nəfər
• Honq Konq Politexnik Universiteti (Hong Kong Polytechnic University) – 1 nəfər
Qeyd edək ki, ümumilikdə növbəti tədris ilində Dövlət Proqramı çərçivəsində 500 gənc dünyanın nüfuzlu universitetlərində bakalavriat və magistratura səviyyələrində təhsil alacaq.
