Bakıda "Micro SaaS Hackathon" keçiriləcək
28.08.2025 / Maraqlı məlumatlar
Google Developers Group Baku, Holberton School Azerbaijan və GoUP tərəfindən təşkil edilən, İnnovasiya və Rəqəmsal İnkişaf Agentliyinin dəstəyi ilə Micro SaaS Hakatonuna qoşulmağa hazır olun!
Bu hakaton texnologiya həvəskarları üçün yeni ideyalar yaratmaq, kod yazmaq və onları reallaşdırmaq üçün əla bir imkandır. Tədbir boyunca siz mentorlarla tanış olacaq, Micro SaaS konsepsiyalarını öyrənəcək və öz layihələrinizi inkişaf etdirəcəksiniz. Qalib komandalar ideyalarını real bir startapa çevirmək üçün mentor və investor dəstəyi alacaqlar.
Hakatonun Məqsədi
Hackathon çərçivəsində iştirakçılar mövcud SaaS proqramlarının bir və ya iki xüsusiyyətini götürərək, onları yeni bir niş üçün təkmilləşdirməli və əlavə dəyər yaratmalıdırlar.
Qalib olmaq üçün layihələr aşağıdakı meyarlara cavab verməlidir:
- Funksional prototip təqdim etmək (tədbir zamanı canlı hazırlanmalıdır).
- Faydaları aydın şəkildə izah etmək (məsələn, vaxta qənaət, xərclərin azaldılması).
- opendata.az portalından istifadə edərək MVP-ni gücləndirmək.
Micro SaaS Nədir?
Micro SaaS məhsulları spesifik istifadəçi qrupları üçün hazırlanmış, niş bazara yönələn proqram həlləridir. Onlar kiçik komandalar və fərdi sahibkarlar üçün ideal olmaqla yanaşı, sürətli bazara giriş imkanı yaradır. Buna görə də, hakatonlarda innovativ ideyaları reallaşdırmaq üçün əla bir seçimdir.
Tarix: 13-14 Sentyabr 2025
Məkan: Holberton School Azerbaijan, 89 Atatürk prospekti, Bakı
Komanda Tərkibi: 2-4 nəfər
Qeydiyyat üçün son tarix: 7 Sentyabr, 23:59. Hər iştirakçı fərdi qeydiyyatdan keçməli və komanda adını qeyd etməlidir.
Link: https://lu.ma/zbfvsszx
