Yeni rabitə standartlarını hazırlayan şirkətlərin assosiasiyası 3GPP avqustun 25-dən 29-dək Hindistanın Banqalor şəhərində 6G RAN (Radio Access Network) üzrə işçi qrupunun ilk iclasını keçirib. Bu, altıncı nəsil (6G) rabitə standartı üzərində fəal işlərin başlandığını göstərir. Proqram yol xəritəsinə əsasən, təşkilat 2026-cı ilin sonuna qədər bu standartın tərkibinə daxil ediləcək əsas texnologiyaları müəyyən etməyi, 2027-ci ilin ortalarından isə ilk 6G şəbəkələrinin qurulmasına başlamağı planlaşdırır. Altıncı nəsil mobil rabitə 5G-nin ideyalarını inkişaf etdirərək ötürmə qabiliyyətinin artırılmasına və gecikmələrin azaldılmasına diqqət yetirəcək. 7-24 GHz yüksək tezlik diapazonu müzakirə olunur. Bu diapazon yüksək ötürmə qabiliyyəti əldə etməyə imkan verir, lakin böyük məsafələrdə yayıla bilmir. Yaxın məsafəli rabitə standartı, 5G-də olduğu kimi əlavə seçim yox, əsas element olacaq.

Lakin Qualcomm əks mövqedən çıxış edərək əsas hissənin uzaqməsafəli rabitə olmalı olduğunu, daha sürətli yaxınməsafəli rabitənin isə yalnız ehtiyac olduqda aktivləşdirilməsini təklif edib. 17 şirkət 19 texniki təklif təqdim edib, onların arasında Huawei, Xiaomi, Apple, Vivo, OPPO, MediaTek, Intel, Ericsson, Qualcomm var. Şirkətlər öz ixtisaslaşmalarına uyğun təkliflər veriblər. Məsələn, Xiaomi sərt “kod kitabçaları”nın tətbiqini təklif edib ki, bu da baza stansiyası ilə sorğu və texniki məlumat mübadiləsini azaltmağa imkan verir, nəticədə hərəkət zamanı baza stansiyasına qoşulma və onlar arasında keçid müddətini xeyli qısaldır. NVIDIA isə baza stansiyasının istifadəçilərdən gələn yüklənməni analiz etməsi problemini həll etməyə çalışır - şirkət məsafə, istiqamət və istifadəçi terminalından gələn yükün analiz funksiyasını təkmilləşdirməyi planlaşdırır ki, retranslyatorun gücləri hər bir istifadəçinin tələblərinə uyğun olaraq çevik şəkildə yenidən paylansın.

Baza stansiyası istifadəçi terminallarının sorğularına ən yaxşı uyğun gələcək tezlik diapazonunu və digər parametrləri seçməlidir. Apple isə yüksək tezlikli dalğaların fiziki xüsusiyyətlərindən istifadə etməklə MIMO texnologiyasını inkişaf etdirməyi təklif edib ki, bu da rabitə kanallarının ötürmə qabiliyyətini əhəmiyyətli dərəcədə artıracaq. Şirkət 6G-də uzaqməsafəli rabitəni yalnız əlavə seçim hesab edir. 6G artıq fəal işlənmə mərhələsindədir, bu isə o deməkdir ki, bir neçə 10 aylıq müddətdən sonra standart təsdiqlənəcək və istehsalçılar əvvəlcə avadanlığın mühəndis nümunələrini, daha sonra isə bu standartda işləyəcək ilk kommersiya qurğularını buraxmağa başlayacaqlar. Əsas iş istiqamətlərinə baxanda görünür ki, 6G əsasən insanların çox toplaşdıqları yerlərdə - meydanlarda, supermarketlərdə, metroda yüksək sürətli bağlantıya yönələcək.