Yeni Nobel mükafatçılarının adları bu tarixlərdə açıqlanacaq
09.09.2025 / Maraqlı məlumatlar
Ənənəyə uyğun olaraq, Nobel Mükafatları Komitəsi tərəfindən hər il elmin ayrı -ayrı sahələri üzrə mühüm kəşflərə imza atmış görkəmli alimlərə Nobel mükafatı təqdim olunur.
2025-ci ilin Nobel laureatları oktyabrın 6-13-də keçiriləcək “Nobel həftəsi”ndə elan olunacaq. Bu barədə komitənin rəsmi saytı məlumat yayıb. İlk olaraq oktyabrın 6-da Stokholmda İsveçin Karolinsk İnstitutunun Nobel Assambleyası tərəfindən fiziologiya və tibb sahəsində Nobel laureatının adı elan olunacaq.
İsveç Kral Elmlər Akademiyası tərəfindən oktyabrın 7-də fizika, oktyabrın 8-də isə kimya üzrə laureatların adları açıqlanacaq. Oktyabrın 9-da ədəbiyyat üzrə laureatın adı məlum olacaq.
Norveç Nobel Komitəsi tərəfindən isə oktyabrın 10-də Osloda 2025-cü ilin Sülh mükafatı laureatının adı açıqlanacaq.
Alfred Nobelin xatirəsinə iqtisad elmləri üzrə İsveç Bankının mükafatına (Sveriges Riksbank Prize) layiq görüləcək alimin adı oktyabrın 13-də elan olunacaq.
Mükafatla bağlı bütün elanlar Nobel mükafatının rəsmi rəqəmsal kanallarında canlı yayımlanacaq. Mükafatlar haqqında ətraflı məlumat nobelprize.org saytında dərc olunacaq.
Xatırladaq ki, mükafatların elan olunma mərasimi dekabrın 10-da Alfred Nobelin doğum günündə Stokholmda keçiriləcək.
Qeyd edək ki, ötən il Nobel mükafatı üçün müəyyən edilmiş məbləğ — 11 milyon İsveç kronu (SEK) təşkil edib. Bu məbləğin artırılıb-azaldılmasına Nobel Fondu qərar verəcək.
2025-ci ildə Nobel mükafatına 244 alim və 94 təşkilat namizəd göstərilib. Onların adları, ümumiyyətlə, gizli saxlanılır. Komitənin təcrübəsinə uyğun olaraq yalnız 50 ildən sonra Nobel mükafatına namizədlərin tam siyahısı ilə tanış olmaq mümkündür.
