Alimlər süni intellektlə işləyən yeni stetoskop hazırlayıblar
09.09.2025 / Maraqlı məlumatlar
Londonda alimlər süni intellektlə işləyən yeni stetoskop hazırlayıblar.
Bu cihaz cəmi 15 saniyəyə ürək çatışmazlığını, ürək qapağı xəstəliklərini və ritm pozuntularını müəyyən edə bilir.
Yeni texnologiya həm ürək döyüntülərini, həm də qan axınını analiz edir və sürətli elektrokardioqram (EKQ) testi aparır. Süni intellekt toplanan məlumatı yoxlayır və nəticəni dərhal həkimin telefonuna göndərir.
Aparılan sınaqlar zamanı cihazdan istifadə olunan xəstələrdə ürək xəstəlikləri adi müayinələrlə müqayisədə 2-3 dəfə daha çox aşkar olunub.
Mütəxəssislərin fikrincə, bu texnologiya həqiqi bir dönüş nöqtəsi ola bilər və ürək çatışmazlığı, ürək qapağı xəstəliyi və ürək ritm pozuntuları, o cümlədən atrial fibrilasiya olan xəstələrin daha erkən müalicəsinə şərait yaradacaq.
