“Danışır təcrübə” layihəsinin növbəti qonağı – akademik Rafiq Əliyev

10.09.2025 / Maraqlı məlumatlar

Elm və Təhsil Nazirliyinin təşəbbüsü ilə həyata keçirilən “Danışır təcrübə” layihəsinin növbəti qonağı Azərbaycan elminin görkəmli nümayəndəsi, qeyri-səlis məntiq və süni intellekt nəzəriyyəsi sahəsində aparıcı alimlərdən biri, Azərbaycan Dövlət Neft və Sənaye Universitetinin (ADNSU) BA proqramlarının direktoru, professor Rafiq Əliyevdir.

“Süni intellekt və qeyri-səlis məntiq: nəzəriyyədən tətbiqə” mövzusunda çıxış edəcək akademik Rafiq Əliyev süni intellektin müasir dövrdə inkişaf tendensiyalarından, onun elmi əsaslarından, tətbiq imkanlarından və cəmiyyətə təsirlərindən danışacaq. O, həmçinin qeyri-səlis məntiq nəzəriyyəsinin süni intellekt texnologiyalarının formalaşmasında oynadığı rolu diqqətə çatdıracaq.

Görüş çərçivəsində iştirakçılar elm və texnologiyanın kəsişməsində duran bu mühüm mövzu ilə bağlı fikir mübadiləsində iştirak etmək imkanı qazanacaqlar.

Qeyd edək ki, “Danışır təcrübə” layihəsinin əsas məqsədi nazirlik və tabe qurumların əməkdaşlarının davamlı inkişafının təmin olunması, liderlik və idarəetmə bacarıqlarının artırılmasıdır.

Nəzərinizə çatdırırıq ki, görüşdə iştirak üçün qeydiyyat mütləqdir.

Qeydiyyat üçün keçid: https://anket.edu.az/user/236 

Tarix və saat: 12.09.2025, 15:00 (Qeydiyyat saat 14:30-dan açıqdır)

Məkan: ADNSU nəzdində UFAZ-ın akt zalı

Ünvan: Nizami küçəsi, 183, Bakı şəhəri (https://maps.app.goo.gl/78PhVFtqCD9RrE7G9)