İdarəetmə Sistemləri İnstitutunda ixtisas fənlərindən doktoranturaya qəbul imtahanları keçirilib

12.09.2025 / Mühüm xəbərlər

AR Elm və Təhsil Nazirliyi İdarəetmə Sistemləri İnstitutunda (İSİ) fəlsəfə doktoru proqramı üzrə doktoranturaya ixtisas fənlərindən qəbul imtahanları keçirilib.

İmtahanların keçirilməsi məqsədilə İSİ-nin baş direktorunun əmrinə əsasən müvafiq ixtisaslar üzrə qəbul komissiyaları yaradılmışdır. Akademik Əli Abbasovun və texnika elmləri doktoru, dosent Elxan Səbziyevin sədrliyi ilə keçirilən imtahanlarda 1203.01 – “Kompüter elmləri” ixtisası üzrə 2, 3337.01 – “İnformasiya-ölçmə və idarəetmə sistemləri” ixtisası üzrə 2, 3338.01 – “Sistemli analiz, idarəetmə və informasiyanın işlənməsi” ixtisası üzrə 2 və 5302.01 – “Ekonometriya; iqtisadi statistika” ixtisası üzrə 1 nəfər olmaqla ümumilikdə 7 iddiaçı iştirak etmişdir.

Bütün iddiaçıların nəticələri məqbul qiymətləndirilmişdir. İmtahanlar uğurla başa çatmışdır.