Ülkər Səttarova: Sammit çərçivəsində bir çox universitetlərlə əməkdaşlıq quracağıq
24.09.2025 / Mühüm xəbərlər
"Azərbaycanda əcnəbi tələbələrin sayı 11 minə yaxınlaşıb".
“Azərbaycan müəllimi” xəbər verir ki, bunu Elm və Ali Təhsil üzrə Dövlət Agentliyinin direktoru Ülkər Səttarova jurnalistlərə açıqlamasında deyib.
"Azərbaycana əcnəbi tələbələr öz maraqları, istəkləri ilə gəlirlər. Eyni zamanda ölkəmizin də təsis etdiyi müəyyən qrantlar var. Onlara ən bariz nümunə Heydər Əliyev adına Beynəlxalq Təhsil Qrantıdır. 15 sentyabrdan etibarən Azərbaycana müxtəlif ölkələrdən əcnəbi tələbələr gəlib. Onlar Azərbaycan hökuməti hesabına aparıcı universitetlərimizdə təhsil almaq hüququ əldə ediblər".
O həmçinin qeyd edib ki, “THE Avrasiya Universitetləri Sammiti” çərçivəsində bir çox universitetlərlə əlaqələr rəsmiləşdiriləcək: "Hazırda xarici universitetlərlə əlaqələrimiz var, ancaq biz bu əlaqələrin daha da genişləndirilməsini istəyirik".
