Sam Altman ümumi süni intellektin (AGI) 2030-cu ilə qədər ortaya çıxacağını proqnozlaşdırır
30.09.2025 / Maraqlı məlumatlar
Die Welt qəzetinin baş redaktoru Yan Philipp Burgard, OpenAI CEO-su Sam Altman ilə müsahibə aparıb. Müsahibə bir neçə mövzunu əhatə edib, o cümlədən süni intellekt əsasında superintellektin hazırlanmasını. Altman bildirib ki, ən yeni GPT-5 modeli bir çox baxımdan bir çox insandan, o cümlədən onun özündən də daha ağıllıdır, lakin həqiqi superağıllı süni intellekt onilliyin sonuna qədər ortaya çıxacaq. “Əgər 2030-cu ilə qədər bizim super qabiliyyətlərə malik və bizim edə bilmədiklərimizi edə bilən modellərimiz olmasa, mən çox təəccüblənəcəyəm” - deyə Altman bildirib. Artıq çox sayda insan generativ süni intellektin təsiri - birbaşa və dolayı yolla - səbəbindən işini itirib. Burgard yaxın gələcəkdə mövcud iş yerlərinin hansı faizinin yox olacağını soruşub. Altman isə birbaşa cavab verməyib, yalnız bildirib ki, yaxın gələcəkdə iqtisadiyyatda yaranan tapşırıqların 30-40%-i süni intellekt tərəfindən yerinə yetiriləcək.
“30 ildən sonra işini süni intellektin əvəz etməməsi üçün oğluna hansı məsləhəti verərdiniz?” sualına cavab olaraq Altman belə deyib: “Əsas bacarıq - öyrənməyi öyrənmək, uyğunlaşmağı öyrənmək, çoxsaylı dəyişikliklərə dayanıqlı olmağı öyrənməkdir. İnsanların nə istədiklərini anlamaq, onlar üçün faydalı məhsul və xidmətlər yaratmaq, dünya ilə necə qarşılıqlı əlaqədə olmaq bacarığına sahib olmaqdır”. Altman hesab edir ki, süni intellektdən istifadənin bu gün təsəvvür olunmayan yan təsirləri və nəticələri ola bilər: “Buna görə də çox vacibdir ki, biz onu insan dəyərləri ilə uzlaşdıraq”. Altman çıxışını belə bir proqnozla tamamlayıb: yaxın illərdə dünyanın hər yerində daha çox prezident və lider qərarların qəbulunda süni intellektdən istifadə edəcək.
