Alimlərdən maraqlı kəşf: Uranın peykinin buzları altında qədim okeanın izləri aşkar edildi
08.10.2025 / Maraqlı məlumatlar
Alimlər Uran planetinin beş böyük peykindən biri olan Arielin buzları altında diametri təxminən 1 159 km olan qədim okeanın izlərini aşkar ediblər.
Oxu.Az xəbər verir ki, bu barədə "ScienceDirect" elmi portalı araşdırmaya istinadən məlumat yayıb.
Məqalədə bildirilib ki, Arieldə okeanın izinin olması fikri "Voyager-2" kosmik aparatı tərəfindən əldə edilən görüntülərin təhlilinə əsaslanır. Bu görüntülərdə geoloji xüsusiyyətlər kriovulkanizm və tektonik fəaliyyətlə əlaqələndirilir.
Tədqiqat zamanı beynəlxalq alimlər qrupu qədim buzaltı okeanın dərinliyinin təxminən 170 km-ə çatdığını müəyyən edib. Bu, Sakit okeanın orta dərinliyi olan 4 km ilə müqayisədə əhəmiyyətli fərq təşkil edir.
Materialda, həmçinin qeyd olunub ki, geoloji analiz və qabarma gərginliklərinin modelləşdirilməsi göstərir ki, son dövrlərdə Arielin səthinin altında okean mövcud olub.
