Azərbaycanda qadınların doktorantura təhsilində iştirakı artıb
14.10.2025 / Xəbərlər
“Azərbaycanda qadınların doktorantura təhsilində iştirakı son illərdə artıb və 2024-cü ildə fəlsəfə doktoru proqramlarında qadınların payı 52,5 faiz təşkil edib”.
“Azərbaycan müəllimi” xəbər verir ki, bunu BMT-nin Azərbaycandakı Rezident Əlaqələndiricisinin Ofisinin iqtisadçısı Hurşid Rüstəmov Bakıda keçirilən "Azərbaycanın Dayanıqlı İnkişaf Naminə Təhsilə İnvestisiya" mövzusunda 7-ci DİM dialoqu forumunda bildirib.
O bildirib ki, bu göstərici 2020-ci ildə 42,8 faiz olub. Elmlər doktoru üzrə proqramlarda isə qadınların payı 2024-cü ildə 37 faizə çatıb.
