Marsda şəhər tikintisinin dəyəri açıqlandı
21.10.2025 / Maraqlı məlumatlar
“SpaceX” və “Tesla” şirkətlərinin yaradıcısı İlon Mask Marsda şəhər salmağın dəyərinin raket texnologiyalarındakı irəliləyişlərdən asılı olaraq 1 trilyonla 1000 trilyon ABŞ dolları arasında dəyişə biləcəyini açıqlayıb.
News24.az xəbər verir ki, bu barədə “ixbt.com” məlumat yayıb.
Maskın sözlərinə görə, bu sahədə əhəmiyyətli yeniliklər baş verərsə, xərcləri 40 il ərzində 1 trilyon dollara və ya illik təxminən 25 milyard dollara qədər azaltmaq mümkün olacaq.
Sahibkarın bildirdiyinə görə, ilk “Starship” kosmik gəmisi robot “Optimus” ilə birlikdə 2026-cı ildə Marsa göndəriləcək.
“SpaceX”-in rəhbəri həmçinin qeyd edib ki, ilk Mars gəmisinə “Heart of Gold” (Qızıl Ürək) adını vermək istəyir.
Bu adla o, Duqlas Adamsın “Qalaktika ilə avtostop” adlı kitabındakı kosmik gəmisinə ehtiram göstərmək niyyətindədir.
