Çexiya Yerin müşahidə peykini hazırlayıb
22.10.2025 / Maraqlı məlumatlar
Peyk hava şəraitindən asılı olmayaraq planetin səthindəki obyektləri aşkarlaya biləcək
Çexiya Yerin müşahidə peykini hazırlayıb. Peyk Ukraynaya da çatdıracaq. AYNA.AZ xarici mediaya istinadən bildirir ki, Çexiyanın Nəqliyyat Nazirliyindən verilən məlumata görə, peyk hava şəraitindən asılı olmayaraq planetin səthindəki obyektləri aşkarlaya biləcək.
Cihaz gecə və pis hava şəraitində müşahidə aparmağa imkan verən radar skan texnologiyasından istifadə edərək məlumat toplayacaq. Bundan kəşfiyyat və mülki məqsədlər üçün istifadə edilə bilər.
Nazirliyin açıqlamasına görə, yeni peyk ölkə daxilində hazırlanacaq və onun çatdırılması Çexiya hökumətinin Ukraynanın yenidən qurulması proqramının bir hissəsidir. Bu, Ukraynanın daha çox belə peyk alacağına işarə edir. Onları kimin orbitə çıxaracağı dəqiqləşdirilməyib.
Avropa İttifaqı (Aİ) Kosmik Agentliyinin qərargahı Praqada yerləşir. Təşkilat Aİ peyklərinin, o cümlədən Avropa Kosmik Agentliyi tərəfindən hazırlanmış peyklərin istismarına cavabdehdir.
