Çinli tədqiqatçılar Quandun əyalətindəki qeyri-adi çuxurun öyrənilməsinin nəticələrini təqdim ediblər.

Oxu.Az bu barədə rg.ru-ya istinadən xəbər verir.

Çuxur Yerdə son 10 min il ərzində formalaşan ən böyük zərbə krateri kimi tanınıb. Krater Detsin qəzası yaxınlığında təpəli ərazidə yerləşir və Tszinlin adlanır.

Alimlər geoloji nümunələr toplayıblar, süxurların quruluşunu qiymətləndiriblər və vulkanik fəaliyyət və ya eroziya ilə bağlı versiyaları istisna ediblər. Müəyyən edilib ki, krater hipersəs sürəti ilə hərəkət edən göy cismi ilə toqquşma nəticəsində formalaşıb.

Zərbə o qədər güclü olub ki, onun enerjisi təxminən 600 min ton trotil partlayışına bərabərdir. Tszinlinin diametri 900 metrdir. Belə geoloji quruluşlar arasında bu miqyasda kraterlər əvvəllər qeydə alınmayıb.

oxu.az