Suni intellekt məlumatları oradan alırmış

07.11.2025 / Maraqlı məlumatlar

ChatGPT də daxil olmaqla böyük dil modelləri suallara cavab verərkən əsasən “Reddit”dən məlumat alır.

Metbuat.az xəbər verir ki, ChatGPT-dən sonra “Gemini”, “DeepSeek”, “Llama” və “Grok” kimi digər modellərin istifadəyə verilməsi diqqət çəksə də, onların qaynaqlandığı mənbələr müzakirə mövzusu olub. Məlumata görə, ChatGPT də daxil olmaqla bir çox böyük dil modeli cavabları təqdim edərkən ictimaiyyətə açıq veb saytlardan istifadə edir.

Onlayn statistika portalı “Statista”nın məlumatına görə, reddit.com ilin birinci rübündə böyük dil modelləri tərəfindən ən çox istinad edilən veb saytların siyahısında 40,11% ilə birinci yerdədir. İkinci sırada isə 26,3 faizlə Vikipediya qərarlaşıb. Sonrakı yerlərdə yutub, feysbuk, quql kimi mənbələr yerləşib.

metbuat.az