Dünyanın ən ağıllı süni intellekti təqdim edildi
19.11.2025 / Maraqlı məlumatlar
"Google" öz çatbotunun yeni versiyası olan "Gemini 3"ü təqdim edib.
Oxu.Az xəbər verir ki, təqdimat videoçarxı şirkətin "YouTube" kanalında yayımlanıb.
Texnologiya nəhəngi yeni süni intellektini dünyanın ən ağıllı multimodal platforması adlandırıb. Məlumata görə, o bir çox kateqoriyada rəqiblərini xeyli üstələyib.
"Gemini 3" internetdəki demək olar ki, istənilən məlumatı emal edə bilər: Mətndən şəkillərə, videolara və audio fayllara qədər.
Tərtibatçılar qeyd edirlər ki, yeni model müxtəlif suallara daha dəqiq cavablar verə bilir və insanlara gündəlik həyatlarını planlaşdırmağa kömək edir.
"Gemini 3"ün "DeepThink" versiyası ən böyük irəliləyiş göstərib. Bu rejimdə neyron şəbəkəsi sorğuları daha dərin şəkildə təhlil edir və testlərdə, elmi məqalələrdə və digər riyazi hesablamalarda effektiv nəticələr təqdim edir.
