ChatGPT-nin Mac brauzerinə 9 yeni funksiya gəlib

24.11.2025 / Maraqlı məlumatlar

Technote.az 9to5mac platformasına istinadən bildirir ki, ChatGPT-nin Mac brauzeri olan ChatGPT Atlas-a yeni funksiyalar əlavə olunub və artıq iCloud passkey dəstəyinə malikdir. OpenAI-ın ötən ay təqdim etdiyi ChatGPT Atlas brauzeri süni intellekt funksiyalarını birbaşa brauzer təcrübəsinə inteqrasiya etməsi ilə diqqət çəkmişdi. İndi isə Atlas Mac istifadəçiləri üçün daha faydalı funksiyalar əlavə edən böyük yeniləmə alıb. Atlas məhsul rəhbəri Adam Fry X platformasında ümumilikdə 9 yeni funksiyanın əlavə olunduğunu bildirib.

Bu yeniliklər arasında ən diqqət çəkənlərdən biri iCloud passkey dəstəyidir. Bu funksiya sayəsində istifadəçilər brauzer üzərindən passkey yarada və onları iCloud hesabında təhlükəsiz şəkildə saxlaya bilirlər. Passkey sistemini dəstəkləyən saytlar mövcud hesabları passkey-ə keçirməyə də imkan verəcək.
Bir çox istifadəçi üçün əsas sual belədir: ChatGPT Atlas Mac üçün əsas brauzer ola bilərmi?

technote.az