"Xiaomi" növbəti beş ildə işçilərinin çoxunu robotlarla əvəz edəcək
04.12.2025 / Maraqlı məlumatlar
Növbəti beş il ərzində "Xiaomi" öz fabriklərində humanoid robotların geniş tətbiqini planlaşdırır.
Oxu.az xəbər verir ki, bu barədə "ITHome" məlumat yayıb.
Məlumata görə, bu qərar həm cihazların, həm də elektrikli nəqliyyat vasitələrinin istehsalına aiddir.
"Xiaomi"nin baş direktoru Ley Jun süni intellektin yaxın gələcəkdə sənayeyə əhəmiyyətli dərəcədə təsir göstərəcəyini qeyd edib. O hesab edir ki, süni intellektlə işləyən robotlar on və yüz milyardlarla dollar dəyərində yeni bir sənaye sektoru açır. Onlar istehsal prosesini daha ucuz edəcəklər.
