YENİLƏNİB. Dövlət qulluğuna qəbul və dövlət qulluğunda fəaliyyətin davam etdirilməsi üzrə test imtahanları keçirilib
12.12.2025 / Xəbərlər
Dekabrın 11-də Dövlət İmtahan Mərkəzində inzibati vəzifələrin B növünə aid BB qrupu üzrə dövlət qulluğuna qəbul imtahanı və inzibati rəhbər vəzifələrə aid AB, AC və inzibati icraçı vəzifələrə aid BA, BB vəzifə qrupları üzrə dövlət qulluğunda fəaliyyətin davam etdirilməsi imtahanı keçirilib.
Dövlət qulluğuna qəbul imtahanı gün ərzində iki növbədə - saat 10:00-da və 16:00-da təşkil edilib. İmtahan Bakı və Naxçıvan şəhərlərində kompüterlər vasitəsilə 3 saat müddətində aparılır. Namizədlər imtahanı yekunlaşdırdıqda və ya imtahan üçün ayrılan vaxt başa çatdıqda nəticələrlə tanış olmaq imkanına malik olurlar. Nəticələr həmçinin gün ərzində DİM-in saytında yerləşdiriləcək.
Dövlət qulluğuna qəbul imtahanında 1374 namizəd iştirak edib. İmtahan nəticələrinə əsasən, BB1 altqrupu üzrə 39 nəfər, BB2 altqrupu üzrə 73 nəfər, BB3 altqrupu üzrə 91 nəfər, BB4 145 altqrupu üzrə nəfər olmaqla, ümumilikdə 348 namizəd uğur qazanıb.
Dövlət qulluğunda fəaliyyətin davam etdirilməsi üzrə imtahan saat 16:00-da başlanıb. Bu imtahanda 220 namizəd iştirak edib. İmtahan nəticələrinə əsasən, AB3 altqrupu üzrə 2 nəfər, AC1 altqrupu üzrə 3 nəfər, AC2 altqrupu üzrə 2 nəfər, AC3 altqrupu üzrə 1 nəfər, BA1 altqrupu üzrə 1 nəfər, BA2 altqrupu üzrə 5 nəfər, BA3 altqrupu üzrə 22 nəfər, BA4 altqrupu üzrə 15 nəfər, BB1 altqrupu üzrə 38 nəfər, BB2 altqrupu üzrə 45 nəfər, BB3 altqrupu üzrə 32 nəfər, BB4 altqrupu üzrə 18 nəfər olmaqla, ümumilikdə 184 namizəd uğur qazanıb.
İmtahanların nəticələri ilə bağlı Apellyasiya Komissiyası 15, 16 və 17 dekabr tarixlərində saat 14:00-dan 17:00-dək Dövlət İmtahan Mərkəzinin elektron imtahanlar korpusunda fəaliyyət göstərəcək. Ünvan: Bakı şəhəri, Binəqədi rayonu, Süleyman Sani Axundov küçəsi, 50.
