Möhtərəm cənab Prezident!

24.12.2025 / Mühüm xəbərlər

Sizi doğum gününüz münasibətilə ürəkdən təbrik edir, ən səmimi arzularımızı çatdırır, dövlət idarəçiliyi və ictimai-siyasi fəaliyyətinizdə bundan sonra da böyük nailiyyətlər arzulayırıq.  

Bu bir həqiqətdir ki, Azərbaycanın müstəqil dövlət kimi mövcudluğu, stabil və inamlı inkişafı liderlik amili ilə birbaşa bağlıdır. Məhz Sizin rəhbərliyinizlə ölkəmizdə qısa müddət ərzində böyük tarixi yol qət edilmiş, möhtəşəm zəfərə imza atılmışdır. Elan etdiyiniz və uğurla həyata keçirdiyiniz iqtisadi-siyasi islahatlar ölkəmizin daha da güclənməsi üçün möhkəm və etibarlı təməl təşkil edir. 

Sizin zəngin siyasi təcrübəniz və qətiyyətli iradəniz Azərbaycan xalqının rifahının yüksəldilməsi naminə mürəkkəb məsələləri uğurla həll etməyə imkan verir. Ölkəmizin milli mənafeyini qətiyyətlə qorumaq və müdafiə etməkdə göstərdiyiniz xüsusi bacarığınız sayəsində Azərbaycan regional və beynəlxalq gündəlikdə yer alan ən mühüm məsələlərin həllində fəal rol oynayır. 

Çox hörmətli cənab Prezident, Sizin adınız qurucu lider, müzəffər sərkərdə və xalqımızın ən böyük arzularını gerçəkləşdirən şəxsiyyət kimi əbədi olaraq tarixə yazılır. Sizə möhkəm cansağlığı, firavanlıq və ali dövlət fəaliyyətinizdə yeni uğurlar arzu edirik. 

Dərin hörmətlə,

AR Elm və Təhsil Nazirliyi İdarəetmə Sistemləri İnstitutunun baş direktoru, akademik Əli Abbasov və kollektivi