İnformasiya Texnologiyaları və Onların Tətbiqi üzrə 3-cü beynəlxalq konfrans (ITTA 2026) keçiriləcək

25.12.2025 / Mühüm xəbərlər

22-24 aprel 2026-ci il tarixlərində Azərbaycan Respublikası Elm və Təhsil Nazirliyi, Azərbaycan Memarlıq və İnşaat Universiteti, AR Elm və Təhsil Nazirliyi İdarəetmə Sistemləri İnstitutu, İnformasiya Texnologiyaları İnstitutu, Polşanın Bıdqoş Elm və Texnologiya Universiteti, Türkiyənin Ege Universiteti, Ukraynanın V.M.Qluşkov adına Kibernetika İnstitutu, Qazaxıstanın İnformasiya və Hesablama Texnologiyaları İnstitutu və Yunanıstanın Thessaliya Universitetinin birgə təşkilatçılığı ilə İnformasiya Texnologiyaları və Onların Tətbiqi üzrə 3-cü beynəlxalq konfrans (ITTA 2026) keçiriləcək.

Beynəlxalq konfransın əsas məqsədi elmi tədqiqat müəssisələri, universitetlər, beynəlxalq təşkilatlar, dövlət və özəl sektorlardan olan nümayəndələri bir araya gətirərək informatika sahəsində mövcud elmi və praktiki problemlərin müzakirə edilməsidir. 

Konfransın əsas elmi istiqamətləri:

1. Tikinti və memarlıqda informasiya texnologiyaları (ağıllı bina, ağıllı kənd, ağıllı şəhər daxil olmaqla)
2. Süni intellekt və onun tətbiqləri
3. Böyük verilənlərin emalı problemləri və metodları
4. Paralel hesablama
5. Siqnalların emalı problemləri və metodları
6. Mürəkkəb obyekt və proseslərin idarə olunmasında informasiya texnologiyaları
7. İntellektual idarəetmə sistemləri
8. İntellektual informasiya sistemləri
9. Kompüter şəbəkələri və kibertəhlükəsizlik məsələləri
10. Təhsildə informasiya texnologiyalarının tətbiqi

Konfransın işçi dili: İngilis

Ətraflı məlumat üçün aşağıdakı linkə keçid edə bilərsiniz:

itta.cyber.az

Əlaqə: [email protected]