“Google” inqilabi yeniliyə imza atdı
29.12.2025 / Maraqlı məlumatlar
“Google”, “Gmail”lərlə bağlı yenilik üzərində işləyir.
Yenilik istifadəçilərə elektron poçt ünvanlarını dəyişdirməyə icazə verəcək. Bildirilir ki, bu yenilik rəqəmsal dünyada təhlükəsizlik riski də gətirir. Məlumata görə, bu yenilik kiberhücumların artmasına səbəb ola bilər.
Qeyd edək ki, “Google” “Gmail”lərlə bağlı sərt qaydaları ilə seçilib. “Google” “Outlook” və “Proton Mail” kimi rəqiblərindən fərqli olaraq, “Gmail istifadəçilərinə mövcud elektron poçt ünvanlarını dəyişdirməyə heç vaxt icazə verməyib. Yeniliyə əsasən istifadəçilərə poçt ünvanlarını ümumilikdə 3 dəfə olmaqla ildə bir dəfə dəyişdirmək icazəsi veriləcək. Diqqət çəkən məqam odur ki, köhnə ünvanlar itməyəcək. İstifadəçilər həm köhnə, həm də yeni ünvanlarına eyni qutuda göndərilən elektron poçtları müşahidə edəcəklər.
