"Hyundai" insanabənzər "Atlas" robotunu təqdim etdi
07.01.2026 / Maraqlı məlumatlar
"Hyundai" avtokonserninə məxsus "Boston Dynamics" şirkəti Las-Veqasda keçirilən "CES 2026" sərgisində ilk dəfə "Atlas" insanabənzər robotunu nümayiş etdirib.
Oxu.Az xəbər verir ki, məlumatı 1news.co.nz yayıb.
"Atlas" təqdimat zamanı müstəqil şəkildə yerindən qalxıb, səhnədə rahatlıqla addımlayıb, tamaşaçılara əl edib, gövdəsini və başını rahat şəkildə hərəkət etdirə bilib. O, uzaqdan mühəndis tərəfindən idarə olunub, amma real şərtlərdə "Atlas" özü yeriyəcək və tapşırıqları yerinə yetirəcək.
Robot sənayedə istifadə üçün nəzərdə tutulur. 2028-ci ildə "Atlas"ın Corciya ştatında (ABŞ) "Hyundai" avtomobil zavodunda elektromobil istehsalına yardım etməyə başlayacağı gözlənilir.
