Kosmos tarixində bir ilk - NASA 65 ildən sonra buna nail oldu
16.01.2026 / Maraqlı məlumatlar
ABŞ Milli Aeronavtika və Kosmik Administrasiyası (NASA) tarixində ilk dəfə tibbi təxliyə həyata keçirib.
Beynəlxalq Kosmik Stansiyadakı (BKS) bir astronavtın sağlamlıq problemi səbəbindən 65 illik kosmik uçuş tarixində bir ilkə imza atıb.
Dörd nəfərlik "Crew-11" komandasını daşıyan "SpaceX" kapsulu dünən stansiyanı tərk edərək, Kaliforniya sahillərində Sakit Okeana enib.
Astronavtlar Mayk Finke və Zena Kardman, Yaponiyadan Kimiya Yui və kosmonavt Oleq Platonov 6,5 aylıq missiyaları üçün 1 avqustda Beynəlxalq Kosmik Stansiyaya gediblər. Komandanın fevralın ortalarında Yerə qayıtması planlaşdırılırdı.
Lakin ötən həftə Finke və Kardmanın kosmosa planlaşdırılan çıxışı son anda ləğv edilib və NASA bir neçə saat sonra heyət üzvlərindən birinin xəstələndiyini açıqlayıb.
