Technote.az “The Verge” platformasına istinadən bildirir ki, OpenAI 2026-cı il üçün əsas strategiyasını “praktiki tətbiq” üzərində qurmağı planlaşdırır. Xüsusilə səhiyyə, elm və korporativ sektorlar prioritet hesab olunur, çünki bu sahələrdə daha yaxşı intellekt birbaşa daha yaxşı nəticələr deməkdir.

“A business that scales with the value of intelligence” adlı yazıda ChatGPT-nin istifadəyə verilməsindən sonra necə böyüdüyü və biznes modelini necə genişləndirdiyi izah edilir. Şirkətin həftəlik və gündəlik aktiv istifadəçi göstəriciləri rekord səviyyəyə çatıb. Friar bunu “hesablama gücü, qabaqcıl tədqiqatlar, məhsullar və monetizasiya” arasında yaranan davamlı mexanizmlə əlaqələndirir.

Bununla yanaşı, OpenAI infrastruktur sahəsində böyük xərclər edir. Şirkət ötən ilin noyabr ayına qədər təxminən 1,4 trilyon dollarlıq infrastruktur öhdəlikləri götürüb. Bu böyük investisiyalar süni intellektin gələcək tələbatını qarşılamaq məqsədi daşıyır.

OpenAI yaxın zamanda platformaya reklamların əlavə ediləcəyini açıqlayıb və daha ucuz olan ChatGPT Go abunəliyini qlobal şəkildə istifadəyə verib. Friar bildirir ki, gələcək biznes modeli mövcud məhsul satışları ilə məhdudlaşmayacaq. Elmi araşdırmalar, dərman kəşfi, enerji sistemləri və maliyyə modelləşdirilməsi kimi sahələrdə lisenziyalaşdırma, IP əsaslı razılaşmalar və nəticəyə bağlı qiymətləmə kimi yeni iqtisadi modellər ortaya çıxacaq.