"Apple" "Siri"ni "ChatGPT"yə bənzər çatbota çevirəcək
23.01.2026 / Maraqlı məlumatlar
ABŞ-nin "Apple" şirkəti "Siri" səsli köməkçisinin inkişaf strategiyasını dəyişdirəcək və onu "ChatGPT" modelinə əsaslanan tamhüquqlu çatbota çevirəcək.
Oxu.Az "Bloomberg"ə istinadən xəbər verir ki, xidmətin yenilənmiş versiyası WWDC tərtibatçılarının 2026-cı ilin iyununda keçiriləcək konfransında "iOS 27"nin bir hissəsi kimi təqdim ediləcək.
Layihəyə "Campos" daxili kod adı verilib. "Siri"nin yeni versiyası həm səs, həm də mətn daxiletməsini dəstəkləyəcək və köməkçinin funksionallığını müasir süni intellekt danışıq xidmətlərinə yaxınlaşdıracaq.
