Şərq-Qərb Nəqliyyat Dəhlizində Logistika, İdarəetmə və İstismar Problemləri üzrə 5-ci Beynəlxalq Konfrans (PLMO 2026) keçiriləcək
02.02.2026 / Mühüm xəbərlər
18-21 may 2026-cı il tarixlərində Bakı şəhərində Şərq-Qərb Nəqliyyat Dəhlizində Logistika, İdarəetmə və İstismar Problemləri üzrə 5-ci beynəlxalq konfrans (PLMO 2026) keçiriləcək. Konfrans AR Elm və Təhsil Nazirliyi Riyaziyyat İnstitutu, Polşanın Sileziya Texnologiya Universiteti, Çinin Quançjou Universiteti, Özbəkistanın Daşkənd Dövlət Nəqliyyat Universiteti və Azərbaycan Texnologiya Universitetinin təşkilatçılığı ilə baş tutacaq.
Beynəlxalq konfransın əsas məqsədi elmi tədqiqat müəssisələri, universitetlər, beynəlxalq təşkilatlar, dövlət və özəl sektorlardan olan nümayəndələri bir araya gətirərək Şərq-Qərb Nəqliyyat Dəhlizində mövcud elmi və praktiki problemlərin müzakirə edilməsidir. Tədbirdə ABŞ, Polşa, Türkiyə, Gürcüstan, Çin, Özbəkistan, Qazaxıstan, Litva, Macarıstan, İsveç və digər ölkələrin aparıcı alimlərinin iştirakı gözlənilir.
Konfransın əsas elmi istiqamətləri:
Müasir logistika və Şərq-Qərb Nəqliyyat Dəhlizi;
Azərbaycanda Vahid Nəqliyyat və Logistika Strategiyasının Tətbiqi;
Tranzit nəqliyyatı və logistikasının təkmilləşdirilməsi üçün rəqəmsal texnologiyalardan istifadə;
İqtisadiyyatın müxtəlif sahələrində innovasiya imkanları;
Nəqliyyatda idarəetmə sistemləri;
Müxtəlif nəqliyyat növləri üçün yeni texniki və texnoloji həllər;
Nəqliyyat vasitələrinin və infrastruktur obyektlərinin texniki monitorinqi və diaqnostikası;
Nəqliyyat və Logistika sektorunun və tranzit yük daşınmasının rəqəmsallaşdırılması;
Nəqliyyatda riyazi modelləşdirmə;
Nəqliyyat və ətraf mühit problemləri;
Nəqliyyat sənayesində təhsil;
Riyazi modelləşdirmə, optimallaşdırmanın ədədi metodları;
Optimal idarəetmə, stoxastik proseslər;
Qrafiklər və şəbəkələrdə optimallaşdırma metodları;
Süni intellekt və informasiya texnologiyaları.
Konfransın işçi dili - ingilis dili
Ətraflı məlumat üçün aşağıdakı linkə keçid edə bilərsiniz:
