Elon Musk SpaceX və xAI-ı birləşdirdi

04.02.2026 / Maraqlı məlumatlar

Technote.az “The Verge” platformasına istinadən bildirir ki, Elon Musk rəhbərlik etdiyi şirkətlər arasında növbəti böyük addımı atıb. Milyarderin kosmik şirkəti SpaceX, süni intellekt startapı xAI-ı satın alaraq vahid struktur altında birləşdirib. Qeyd edək ki, xAI eyni zamanda X sosial media platformasının da sahibidir.

Rəsmi açıqlamada bildirilir ki, bu birləşmə nəticəsində Yer üzündə və orbitdə fəaliyyət göstərəcək, tam şaquli inteqrasiya olunmuş innovasiya mühərriki formalaşdırılır. Yeni struktur süni intellekt, raket texnologiyaları, peyk əsaslı internet, birbaşa mobil cihazlara rabitə və real vaxtda qlobal informasiya axınını özündə birləşdirəcək.
Elon Musk bu addımı SpaceX və xAI üçün “sadəcə yeni fəsil deyil, tamamilə yeni bir kitab” adlandırıb. Onun sözlərinə görə, məqsəd kainatı daha dərindən anlamaq, süni şüuru inkişaf etdirmək və bəşər şüurunun sərhədlərini ulduzlara qədər genişləndirməkdir.

technote.az