BDU “İlin alimi” müsabiqəsi elan edir

09.02.2026 / Xəbərlər

BDU əməkdaşları arasında 27 Mart – Azərbaycan Respublikasında Elm Gününə həsr olunmuş “İlin alimi” müsabiqəsi elan edir.

BDU-dan AZƏRTAC-a bildirilib ki, müsabiqəsinin məqsədi il ərzində yüksək elmi nəticələrə nail olmuş, təsir (impakt) faktorlu, beynəlxalq bazalarda indekslənən nüfuzlu nəşrlərdə elmi əsərləri dərc edilmiş, elmi işlərinə istinad olunmuş, həmçinin yüksək elmi-təşkilati fəaliyyəti ilə fərqlənmiş BDU əməkdaşlarının mükafatlandırılmasıdır.

Müsabiqənin qalibləri “İlin alimi” adını alır, diplom və pul mükafatları ilə təltif edilirlər:

1-ci yer: Təbiət və texnika elmləri üzrə - 1 nəfər (2 500 manat); Humanitar və ictimai elmlər üzrə - 1 nəfər (2 500 manat).

2-ci yer: Təbiət və texnika elmləri üzrə - 1 nəfər (1 500 manat); Humanitar və ictimai elmlər üzrə - 1 nəfər (1 500 manat).

3-cü yer: Təbiət və texnika elmləri üzrə - 1 nəfər (1 000 manat); Humanitar və ictimai elmlər üzrə - 1 nəfər (1 000 manat).

Müsabiqədə iştirak etmək üçün müvafiq sənədlər və digər müşayiətedici materiallar fevralın 6-dan başlayaraq elektron formada və ya kağız şəklində qəbul olunur. Müsabiqədə iştirak etmək üçün müvafiq sənədlər və digər müşayiətedici materialların qəbulu üçün son tarix martın 6-sı saat 17:00-dır.

Müsabiqədə yalnız BDU-nun magistrant, doktorant və əməkdaşları fərdi şəkildə iştirak edə bilərlər.

Əlavə məlumat üçün: Tel: (+994 12) 510 59 77 (+994 12) 539 64 58 E-mail: [email protected]

azertag.az