Azərbaycan Milli Elmlər Akademiyasının “Məruzələr” jurnalı çap olunub
07.11.2020 / XəbərlərAMEA-nın “Məruzələr” jurnalı (№1-1, 2020) çapdan çıxıb.
Toplunun baş redaktoru AMEA-nın prezidenti, akademik Ramiz Mehdiyev, baş redaktorun müavinləri isə AMEA-nın birinci vitse-prezidentləri, akademiklər İsa Həbibbəyli və İbrahim Quliyevdir. Nəşrin redaksiya heyətinə Tofiq Nağıyev, Dilqəm Tağıyev, Nərgiz Paşayeva, İradə Hüseynova, Rasim Əliquliyev, Əminağa Sadıqov, Fuad Əliyev, İsmayıl Hacıyev, Fikrət Əliyev və Gülarə Hacıyeva (məsul katib) daxildir.
“Fizika-riyaziyyat”, “Kimya elmləri”, “Yer elmləri”, “Biologiya və tibb elmləri”, “Humanitar və ictimai elmlər” bölümlərindən ibarət olan jurnalda məqalələr üç dildə nəşr edilir. Jurnalın bu nömrəsində Azərbaycan, rus, ingilis dillərində iyirmi məqalə yer alıb. Bu sayda akademik İsa Həbibbəylinin “XIX əsrin axırlarında İrəvan şəhərinin məhəllə adları” araşdırması da oxuculara təqdim edilir.
Qeyd edək ki, “Elm” nəşriyyatında çap olunan jurnal 1945-ci ildə təsis olunub.
mənbə: frteb.science.gov.az