Astronomlar kütləsinin 99,9 faizi qaranlıq maddədən ibarət olan qalaktika aşkarlayıblar
25.02.2026 / Maraqlı məlumatlar
Astronomlar demək olar ki, tamamilə qaranlıq maddədən ibarət olan qeyri-adi qalaktika aşkar ediblər. Bu struktur Hubble Space Telescope kosmik teleskopunun arxiv şəkillərinin təhlili zamanı müəyyən edilib. Bu barədə “Science” jurnalı məlumat yayıb.
CDG-2 adlandırılan obyekt çox zəif işıqlanan və çox az sayda ulduza malik qalaktikadır. Alimlərin hesablamalarına görə, onun ümumi kütləsinin 99,9 faizindən çoxu qaranlıq maddədən ibarətdir.
Müşahidələr Yerdən 240 milyon işıq ili məsafədə yerləşən Perseus qalaktikalar toplusu ərazisində aparılıb. “Euclid” Avropa kosmik teleskopunun məlumatlarının əlavə təhlili də zəif işıqlanmanı təsdiqləyib. Ehtimal edilir ki, bu işıqlanma qalaktika ulduzların formalaşması üçün lazım olan qazı itirməzdən əvvəl yaranmış az sayda ulduzla əlaqəlidir.
Məqalədə qeyd olunur ki, CDG-2-nin mövcudluğu təsdiqlənərsə, bu, Kainatda demək olar ki, ulduzlardan məhrum və əsasən qaranlıq maddədən ibarət qalaktikaların mövcudluğu ilə bağlı nəzəriyyəni gücləndirəcək.
Bundan əvvəl ABŞ-ın Qərbi Virciniya ştatında yerləşən “Green Bank Observatory” rəsədxanasının astronomları təsadüfən J0613+52 adlı tam qaranlıq qalaktika aşkar ediblər. Bu qalaktika toxunulmamış ilkin qazla doludur və görünən ulduzlara malik deyil. Alimlərin sözlərinə görə, J0613+52 Yerdən təxminən 270 milyon işıq ili uzaqlıqda yerləşir və indiyədək aşkar edilmiş ən zəif işıqlı qalaktika hesab oluna bilər.
