Riyaziyyat İnstitutunun əməkdaşları “Ana harayı” abidəsini ziyarət ediblər

25.02.2026 / Xəbərlər

Azərbaycan Respublikası Elm və Təhsil Nazirliyi Riyaziyyat İnstitutunun əməkdaşları Xocalı soyqırımının ildönümü ilə əlaqədar olaraq “Ana harayı” abidəsini ziyarət ediblər. İnstitut əməkdaşları Xocalı faciəsi qurbanlarının əziz xatirəsini dərin ehtiram və hüznlə yad edərək abidə önünə gül dəstələri düzüblər.
Xocalı soyqırımı Azərbaycan xalqının tarixində ən qanlı və dəhşətli faciələrdən biri kimi əbədi iz qoyub. 1992-ci ilin fevral ayında dinc əhaliyə qarşı törədilmiş bu amansız qətliam nəticəsində yüzlərlə günahsız insan, o cümlədən qadınlar, uşaqlar və qocalar xüsusi qəddarlıqla qətlə yetirilib. Bu faciə təkcə Azərbaycan xalqına qarşı deyil, bütün bəşəriyyətə qarşı törədilmiş ağır cinayət kimi qiymətləndirilir.

Vətən uğrunda, doğma torpaqlarında şəhid olan Xocalı qurbanlarının əziz xatirəsi hər bir azərbaycanlının qəlbində daim yaşayacaq və heç zaman unudulmayacaq.