Elm qəzetinin növbəti nömrəsi işıq üzü görüb
27.02.2026 / Xəbərlər
AMEA-nın Rəyasət Heyətinin həftəlik mətbu orqanı olan “Elm” qəzetinin fevral ayında sonuncu nömrəsi çapdan çıxıb.
Bu sayın ön səhifəsində Xalq şairi Səməd Vurğunun 120 illiyinin qeyd edilməsi haqqında Azərbaycan Respublikası Prezidentinin Sərəncamı və “Prezident İlham Əliyev Xocalı Soyqırımı Memorialının açılışında iştirak edib” başlıqlı icmal yer alır.
Bugünkü buraxılışın ilk səhifələrində Azərbaycan Milli Elmlər Akademiyasının Ümumi yığıncağı, 21 Fevral - Beynəlxalq Ana Dili Günü münasibətilə “Uşaq ədəbiyyatında ana dili məsələsi” mövzusunda tədbir və AMEA Gənclər Akademiyasının təşkilatçılığı ilə Bakı şəhəri 132-134 nömrəli Təhsil Kompleksində keçirilən Azərbaycan dili fənni üzrə olimpiada haqqında informasiyalar dərc edilib.
“Elm” qəzetinin bu nömrəsində, “AMEA-nın kollektivi Xocalı soyqırımı abidəsini ziyarət edib” başlıqlı xəbər, “Xocalı: İşğaldan “Böyük Qayıdışa” və “Ana dili xalqın əmanətidir” sərlövhəli məqalələr yer alır.
Bu sayda “Azərbaycan dilinin qarşısında duran çağırış: köhnəlmiş sözlərin dildə yenidən işlənməsi” adlı məqalə, “Professor Roida Rzayeva: Rəqəmsal diplomatiya və informasiya təhlükəsizliyi dövlətin geosiyasətinin yeni forpostudur" başlıqlı müsahibə, yeni elmi nəşrlər, eləcə də digər xəbərlər işıqlandırılıb.
Qəzetin rus və ingilis dili bölmələrində “Меньше новых рисков - больше новых технологий” (Daha az yeni risk - daha çox yeni texnologiya) sərlövhəli məqalə və Akademiyada ötən həftə keçirilən mühüm tədbirləri əks etdirən xəbərlər dərc edilib.
