Pakistanda təqaüdlə təhsil proqramı ELAN EDİLİB
03.03.2026 / Xəbərlər
Pakistan Mühəndislik və Tətbiqi Elmlər İnstitutu 2026–2027-ci akademik ili üzrə xarici qadın tələbələr üçün təqaüd proqramı elan edir.
"Azərbaycan müəllimi" xəbər verir ki, bu barədə Elm və Ali Təhsil üzrə Dövlət Agentliyi məlumat yayıb.
Proqram çərçivəsində namizədlərə magistratura və doktorantura səviyyələri üzrə "Nüvə mühəndisliyi", "Tibb", "Fizika", "Nüvə təbabəti", "Radiasiya elmləri", "Tibbi onkologiya" və "Radiasiya fizikası" ixtisaslarında təhsil almaq imkanı yaradılır. Təqaüd qeyd olunan sahələr üzrə ixtisaslaşmaq və beynəlxalq akademik mühitdə elmi fəaliyyət göstərmək istəyən qadın tədqiqatçılar üçün nəzərdə tutulub.
Proqrama müraciət üçün son tarix 30 aprel 2026-cı il müəyyən edilib. Təqaüd proqramının şərtləri, qəbul tələbləri və sənədləşmə prosesi barədə ətraflı məlumatla rəsmi elan vasitəsilə tanış olmaq mümkündür.
Elan: https://htp.edu.az/.../1bd4c87bc7314123a055a0fbe61ac8d2.pdf
