AMEA İdarəetmə Sistemləri İnstitutunda dezinfeksiya işləri aparılıb

30.11.2020 / Xəbərlər

AMEA-nın İdarəetmə Sistemləri İnstitutunda iki gün noyabr ayının 27-si və 30-u koronavirus pandemiyasının yayılmasının qarşısının alınması məqsədilə sanitar-dezinfeksiya işləri həyata keçirilmişdir.

Kollektivin sağlamlığı və təhlükəsizliyinin qorunması məqsədilə İdarəetmə Sistemləri İnstitutunda nəzarət-buraxılış məntəqəsi, binanın otaqları, konfrans zalı və dəhlizləri dezinfeksiya olunub.

İdarəetmə Sistemləri İnstitutunda Nazirlər Kabineti yanında Operativ Qərargahın tələblərinə ciddi şəkildə əməl olunaraq İnstitutun əməkdaşları məhdud sayda işə cəlb edilib və əksər işlər online həyata keçirilir. Bununla bərabər, institutun əməkdaşları müəssisəyə tibbi maska ilə buraxılır, bədən hərarətləri ölçülür,  sosial məsafə gözlənilir və şəxsi gigiyena qaydalarına ciddi nəzarət olunur.