Meta az istifadə olunduğu üçün bir funksiyasını deaktiv edir
17.03.2026 / Maraqlı məlumatlar
Technote.az “Engadget” platformasına istinadən bildirir ki, Meta şirkəti Instagram mesajlarında end-to-end encryption funksiyasını dayandıracağını açıqlayıb. Şirkətin rəsmi dəstək səhifəsində bildirildiyi kimi, bu funksiya 8 may 2026 tarixindən sonra dəstəklənməyəcək.
Meta WhatsApp-dan fərqli olaraq, heç vaxt Instagram-da şifrələməni bütün istifadəçilərə standart olaraq təqdim etməyib. Yalnız müəyyən bölgələrdə olan istifadəçilər, mesajlar üçün ayrıca şifrələməni aktivləşdirə bilirdilər.
Meta-nın sözçüsü bildirib ki, funksiyanın dayandırılmasının səbəbi onun az istifadə olunmasıdır.
“Çox az istifadəçi DM-lərdə bu funksiyanı seçirdi, buna görə də bu seçimi yaxın aylarda Instagram-dan çıxarırıq. Kim şifrələnmiş mesajlaşmanı saxlamaq istəyirsə, bunu asanlıqla WhatsApp-da edə bilər”.
