Yeni təhsil texnologiyaları üzrə "EDCRUNCH ON DEMAND" mövzusunda 7-ci Qlobal konfransı keçirilmişdir

10.12.2020 / Xəbərlər

8-10 dekabr 2020-ci il tarixlərində yeni təhsil texnologiyaları üzrə "EDCRUNCH ON DEMAND" interaktiv platforma mövzusunda 7-ci Qlobal konfransı keçirilmişdir (Təşkilatçılar -mail.ru group və Rusiya Federasiyasının Elm və Ali Təhsil Nazirliyinin dəstəyi ilə MİSİS və Universiteti 20.35).

Təhsil sistemindəki islahatlarla və ağıllı texnologiyaların tədrisdə tətbiqi ilə bağlı olan onlayn-videokonfransda tanınmış alimlər, məktəb və universitet rəhbərləri, siyasətçilər, investorlar və İT şirkətlərinin təsisçiləri, İKT sahəsi ilə əlaqəli dünyanın hər yerindən olan şəxsiyyətlər iştirak etmişlər.

Onlayn-videokonfransın mövzusu Yeni təhsil texnologiyalarının tətbiqi ilə məktəblərdə, ali məktəblərdə, şirkətlərdə, özünü inkişaf etdirmək mövzusuna həsr olunmuşdur. Belə texnologiyalara tədrisin idarə sistemi (LMS), açıq onlayn kursların (MOOCS), müəllif alətləri, mobil təhsil mühiti, oyun həlləri, simulyatorlar, virtual və tamamlanmış reallıq əsasında proqramlar, tədrisin verilənlər bazası (LRS), rəqəmli işarələr (Open Badges) və mikroixtisaslaşma, süni intellekt əsasında virtual pedaqoji agent (İPA), onlayn laboratoriyalar və s. daxildir. Qeyd edilmişdir ki, beynəlxalq bazara İKT sahəsi üzrə media – format və texnologiyaların yeni məhsullar daim çıxmaqdadı. Tədrisin və təlim – tərbiyənin, həm ənənəvi, həm distant formasında öyrənilməsində bu tətbiqlərin aparılmasına xüsusi diqqət tələb edir.

AMEA-nın İdarəetmə Sistemləri İnstitutunun "Xarici əlaqələr və İnnovasiya" şöbəsinin elmi işçisi Puşnova Valeriya bu onlayn-videokonfransda iştirak etmiş və fərdi sertifikatla təltif olunmuşdur.