YT Parkda yüksək keyfiyyətli motor yağı uğurla sınaqdan keçirilib
25.12.2020 / XəbərlərAMEA-nın akademik Əli Quliyev adına Aşqarlar Kimyası İnstitutunun əməkdaşları tərəfindən 2020-ci ildə “Zərif üzvi sintezin və kompüter modelləşməsinin imkanlarından istifadə etməklə yüksək təsirə malik fizioloji fəal birləşmələrin, o cümlədən dərman maddələrinin, müxtəlif təyinatlı üzvi reagentlərin və kompozision materialların məqsədli sintezi və funksional təsir mexanizminin öyrənilməsi” problemi üzrə 4-ü elmi-fundamental, 1-i isə tətbiqi xarakterli olmaqla 5 mühüm elmi nəticə əldə olunub.
Tətbiqi xarakterli elmi nəticə xüsusi təyinatlı itiyerişli nəqliyyat dizellərində istifadə edilən “M-16ИХП-3” motor yağının yeni, yüksək keyfiyyətli analoqu “M-16ИХП-3y” xüsusi təyinatlı motor yağının işlənilməsi ilə əlaqədardır.
Qeyd olunan motor yağının nümunəsi AMEA-nın Yüksək Texnologiyalar Parkının rezidenti olan “Aşqar” Elmi İstehsalat Birliyində hazırlanıb və bir neçə mərhələli sınaqdan uğurla keçib. Bu motor yağı hərbi və xüsusi texnikalarda istifadə üçün nəzərdə tutulub.
mənbə: science.gov.az