İdarəetmə Sistemləri İnstitutunda magistrantların qış imtahan sessiyası keçirilir

05.01.2021 / Xəbərlər

Azərbaycan Milli Elmlər Akademiyasının Prezidentinin 24 dekabr 2020-ci il tarixli 469 №-li “AMEA-nın magistrantları üçün qış imtahan sessiyasının keçirilməsi haqqında” sərəncamına əsasən magistrantların 2020/2021-ci tədris ili üzrə qış imtahan sessiyası 2020-ci il dekabrın 30-dan 2021-ci il fevralın 2-dək  keçiriləcək.

İdarəetmə Sistemləri İnstitutunda “Kömpüter elmləri” və “Proseslərin avtomatlaşdırılması mühəndisliyi” ixtisasları üzrə I kursda təhsil alan 4 magistrant; “Riyaziyyat”, “Kömpüter elmləri” və “Proseslərin avtomatlaşdırılması mühəndisliyi” ixtisasları üzrə II kursda təhsil alan 10 magistrant sessiya imtahanlarında iştirak edir.

İmtahan sessiyasında I kurs magistrantlar üçün 8, II kurs magistrantlar üçün 16 imtahan keçiriləcəkdir. İmtahanlar 05, 06, 07, 08, 11, 12, 13, 15, 19, 21, 22, 25, 26, 27 yanvar və 01 fevral 2021-ci il tarixlərinə təyin olunmuşdur.

Ölkə ərazisində tətbiq olunan karantin rejimi nəzərə alınaraq imtahanlar online şəkildə Zoom platforması üzərindən keçirilir.