Avropa Komissiyasının EU4Digital təşəbbüsü çərçivəsində eCommerce pilot layihəsinin Azərbaycanda tətbiqi ilə əlaqədar olaraq görüş keçirilmişdir

23.02.2021 / Xəbərlər

18 fevral 2021-ci il tarixində Avropa Komissiyasının EU4Digital təşəbbüsü çərçivəsində eCommerce pilot layihəsinin Azərbaycanda tətbiqi ilə əlaqədar olaraq online görüş keçirilmişdir.

Görüşdə EU4Digital  koordinatoru Ernst & Young (E&Y) şirkətinin eCommerce layihəsinin rəhbəri V. Kovalenko, Ümumdünya Poçt İttifaqının eksperti Valter Trezek, AZEXPORT.AZ portalının rəhbəri Ayxan Qadaşov və AMEA-nın İdarəetmə Sistemləri İnstitutunun “Xarici Əlaqələr və İnnovasiya” şöbəsinin müdiri, eCommerce EU4Digital layihəsinin Elektron Ticarət (eTrade) üzrə eksperti Tofiq Babayev iştirak etmişlər.

Görüş çərçivəsində Avropa alıcıları ilə B2C ticarətinin aparılması üçün AZEXPORT.AZ portalına malların siyahısının yerləşdirilməsi və AZƏRPOÇT ilə Almaniya Poçtu arasında informasiya mübadiləsində istifadə olunacaq forma və standartlar araşdırılmışdır. Eyni zamanda informasiya mübadiləsinin TEST variantının keçirilməsi üçün razılıq əldə edilmişdir.
Pilot layihəsinin tətbiqi bu ilin aprel ayına planlaşdırılmışdır.