AMEA-nın müxbir üzvü, professor Ağasi Məlikov «Annals of Operations Research» jurnalının xüsusi buraxılışının redaktoru seçilib
08.07.2021 / XəbərlərXəbər verdiyimiz kimi, “Kütləvi xidmət sistemləri. Qabaqcıl Trendlər” adlı məqalələr toplusunun (https://iste.co.uk/book.php?id=1743) 2-ci cildində professor A. Krishnamoorthy və onun tələbələri D. Shajin və V. Narayanan “Müsbət xidmət zamanlı ehtiyatların idarə edilməsi: İcmal” (Inventory with Positive Service Time: A Survey. P. 201-238) tərəfindən dərc olunmuş icmal məqaləsin qeyd olunmuşdur ki, tələblərə xidmət zamanı müsbət olan ehtiyatların idarə edilməsi sistemləri nəzəriyyəsinin əsasları 30 il əvvəl amerikalı alimlər K. Sigman (Columbia Universiteti) və D. Simchi-Levi (Massaçusets Texnologiya İnstitutu) və həmyerlimiz AMEA-nın müxbir üzvü, professor Ağasi Məlikov tərəfindən bir-birindən asılı olmayaraq qoyulmuşdur. Amerikalı alimlərin məqaləsi «Annals of Operations Research» jurnalında (1992, Cild 40, səh. P. 371-380), A.Məlikovun məqaləsi isə «Cybernetics» (1992, Cild 28, №3, səh. 484-487) jurnalında çap olunmuşdur.
Qeyd olunan nəzəriyyənin yaradılmasının 30 illiyi ilə əlaqədar olaraq professor A. Krishnamoorthy (Cochin University of science & Technology, Kochin, INDIA), professor S. Chakravarthy (Kettering University, Flint, USA) və Ağasi Məlikov bu sahədə ilk məqalələrdən birinin dərc olunduğu “Annals of Operations Research” (jurnalın İmpact Factoru 2.583) jurnalının baş redaktoru professor E. Borosa müraciət edərək jurnalın xüsusi nömrəsinin buraxılmasını təklif etmişlər.
Yaradılmış nəzəriyyənin elmi və praktiki əhəmiyyətini nəzərə alaraq müraciətə dair müsbət qərar qəbul edilmişdir. Jurnalın gələn il üçün xüsusi buraxılışının A. Krishnamoorthy, S. Chakravarthy, A. Məlikov və W. Narayananın (Hindistan) redaktorluğu ilə buraxılması nəzərdə tutulur. (https://www.springer.com/journal/10479/submission-guidelines)
Qeyd edək ki, bu elmi-tədqiqat sahəsində A. Məlikovun rəhbərliyi altında bir neçə fəlsəfə doktorluğu dissertasiyaları müdafiə olunmuşdur, və onun bu istiqamətdə tədqiqatları uğurla davam edir.