30 noyabr 2011-ci il tarixində Kibernetika İnstitutunin Elmi Şurası keçirilmişdir

30.11.2011 / Elmi şuranın iclasları

30 noyabr 2011-ci il tarixində Kibernetika İnstitutunin Elmi Şurası keçirilmişdir. Elmi Şuranın ilk məsələsinə uyğun olaraq,   Elmi katib Əzizova Z. Institutun aspirantura şöbəsinə qəbul olunan aspirantlar, onların topladıqları ballar, ixtisasları , Elmi rəhbərləri və dissertasiya işlərinin mövzuları barədə Şura üzvlərinə geniş məlumat verdi. Sonra, Elmi işlər üzrə direktor müavini , texnika elmləri doktoru, professor Nüsrətov O.Q.  2011-ci ildə Kibernetika İnstitutunun alimlərinin aldıqları mühüm nəticələrlə Şura üzvlərini tanış etdi.
 Bundan sonra illik hesabatların müzakirəsinə başllandı. İlk olaraq, İnstitutun direktoru, 1 saylı "İdentifikasiya texnologiyaları” laboratoriyasının müdiri, akademik T.A.Əliyev 2011-ci ildə laboratoriyada yerinə yetirilmiş elmi-tədqiqat işlərinin hesabatını verdi. O, öz hesabatına, yaratdıqları "Regional seysmoakustik intellektual küy analizi telemetrik sistemi”  haqqında  "MİR” və "TRT” kanallarının   çəkərək nümayiş etdirdikləri kadrların  göstərişi  ilə başladı.
 23 saylı "İnnovasiya yönümlü informasiya texnologiyaları” laboratoriyasının müdiri, texnika elmləri üzrə fəlsəfə doktoru Quluyev Q.A,  24 saylı "İnnovasiya yönümlü informasiya sistemləri” laboratoriyasının müdiri, texnika elmləri üzrə fəlsəfə doktoru Pzayev A.H., həmin laboratoriyanın əməkdaşı Rzayev Ab.H., 17 saylı "Siqnаllаrın аnаlizi üsullаrı və informаsiyа sistemləri” laboratoriyasının müdiri, texnika elmləri doktoru, professor Nüsrətov Oqtay Qüdrət oğlu  da 2011-ci ildə laboratoriyada yerinə yetirilmiş elmi-tədqiqat işləri barədə  hesabat verdilər.