Akademik Asəf Haciyev İspaniyanın Toledo şəhərində keçirilən beynəlxalq konfransda plenar məruzə ilə çixiş edib

05.08.2021 / Xəbərlər

Akademik Asəf Haciyev 02-03 avqust 2021-ci il tarixlərində İspaniyanın Toledo şəhərində (on-line) keçirilən XV-ci “Management Science and Engineering Management” (MSEM)  Beynəlxalq konfransda plenar məruzə ilə çixiş etmiş və kütləvi xidmət sistemlərində idarə etmə sahəsində aldığı son nəticələrini konfrans iştirakçılarına təqdim etmişdir.

Konfransda ABŞ, Kanada,Yaponiya, İspaniya, Çin, Türkiyə və digər ölkələrdən olan aparıcı alimlər iştrak etmişdir. XV-ci MSEM Beynəlxalq konfransın materialları (Proceding of the XV İnternational Conference Management Science and Engineering Management) Şpringer nəşriyyatında iki cilddə çap edilmiş və akademik Asəf Haciyev bu əsərlərin redaktorlarından biri olmuşdur.

Konfransın sonunda A.Hacəyev təşkiltçıların xahişi ilə dünya şöhrətli riyaziyyatçı akademik Kolmoqorovun yaradıcılığı haqqında məlumat vermişdir. Qeyd edək ki, Asəf Haciyev akademik Kolmoqorovun Lomonosov adına Moskva Dövlət Universitetində yaratdığı və rəhbərlik etdiyi Fakültələrarası Statistik Metodlar Laboratoriyasında 15 ildən artıq çalışmışdır.