“Şərq-Qərb nəqliyyat dəhlizində logistika, idarəetmə və istismar problemləri” adlı Beynəlxalq Konfrans öz işini davam etdirib
29.10.2021 / Xəbərlər
27 oktyabr 2021-ci il tarixində Açılış mərasimindən sonra, günün ikinci yarısı AMEA-nın İdarəetmə Sistemləri İnstitutu (İSİ), Azərbaycan Texniki Universiteti, Polşanın Sileziya Texnoloji Universiteti və Gürcüstanın Texniki Universitetinin birgə təşkilatçılığı ilə keçirilən “Şərq-Qərb nəqliyyat dəhlizində logistika, idarəetmə və istismar problemləri” adlı Beynəlxalq Konfrans çərçivəsində plenar iclas keçirilmişdir.
Plenar iclasa İSİ-nin icraçı direktoru, AMEA-nın Müxbir üzvü Əminağa Sadıqov moderatorluq etmişdir.
İclasda Silesia Texnologiya Universitetinin professoru Aleksandr Sladkovski “Informing about the Achievements of Modern Transport in Scientific Journals and Conferences”, AMEA-nın müşaviri akademik Telman Əliyev “Algorithms and Intelligent Technologies for Improving the Adequacy of Monitoring and Diagnostics of the Beginning of the Latent Period and Dynamics of Development of Accidents on the Rolling Stock and Railroad Track” və Rafael Dvali Maşın Mexanikası İnstitutunun nümayəndəsi George Tumanishvili “Tribological Aspects of the Wheel and Rail Interaction” adlı məruzələrlə çıxış etmişdilər.
Daha sonra Prof. Yanus Çvek və t.e.d Asif Rzayevin sədrliyi ilə birinci sessiyalar və Prof. Şahnaz Şahbazova və Prof. Kamil Ayda-zadənin sədrliyi ilə ikinci sessiyalar keçirilmişdir.
Tədbir öz işinə 28 oktyabr tarixində Belarusiya Rabitə və İnformasiyalaşdırma Nazirliyinin Elektron logistika və DTC İşçi Qrupunun Proqram Tətbiqi Sistemləri İnstitutunun sədri Valeri Virkovskinin moderatorluğu ilə keçirilən Digital Transport Corridors adlı dəyirmi masa ilə davam etmişdir. Dəyirmi masada Vladimir Kovalenko, Valeri Virkovski, Yuri Paberi, Vladimir Abramitçev, Nikos Tsampiris, Dmitri Yakimenkov, Risardas Bedulskis, Qalina Royzina, Vytutas Vitkauskas, Valter Trezek, Səməd Qaralov, Xudayar Həsənli və Ayxan Qadaşev məruzələrlə çıxış etmişdirlər.
Daha sonra professor Ramin Rzayev və dosent Elxan Səbziyevin rəhbərliyi ilə birinci sessiyalar, AMEA-nın müxbir üzvü Əminağa Sadıqov və dosent Ədalət Paşayevin rəhbərliyi ilə ikinci sessiyalar keçirilmişdir.
Günün sonunda Əminağa Sadıqovun rəhbərliyi ilə konfransın bağlanış mərasimi keçirilmişdir. Ə.Sadıqov çıxış edərək İSİ rəhbərliyi adından pandemiya şəraitində hibrid formatda keçirilən tədbirə təşkilati və texniki dəstəyə görə təşkilat komitəsinə, tərəfdaş qurumlara və dəvət olunmuş qonaqlara təşəkkürünü bildirdi, tədbirin işini yüksək qiymətləndirdi.
