İdarəetmə Sistemləri İnstitutunun Elmi şurasının növbəti iclası keçirilmişdir

30.11.2021 / Elmi şuranın iclasları

30 noyabr 2021-ci il tarixində AMEA İdarəetmə Sistemləri İnstitutunun (İSİ) Elmi şurasının növbəti iclası keçirilmişdir.

Tədbirdə İnstitutun rəhbərliyi, Elmi şura üzvləri, müvafiq laboratoriya və şöbə əməkdaşları iştirak etmişdirlər.

İclası İSİ-nin baş direktoru, akademik Əli Abbasov açaraq gündəlikdəki məsələləri tədbir iştirakçılarının diqqətinə çatdırdı.

Sonra İdarəetmə sistemlərinin texniki vasitələrinin işlənilməsi üsulları, Texniki obyektlərin və proseslərin modelləşdirilməsi, Neftqazçıxarma obyektlərinin intellektual diaqnostika və idarəetmə sistemləri, İnformasiyanın intellektual emalı sistemləri, Siqnalların tanınması və intellektual analizi üsulları,  Siqnalların tanınması və intellektual analizi üsulları, Kəsilməz proseslərin modelləşdirilməsi və idarə edilməsi  laboratoriyalarının və İctimaiyyətlə əlaqələr şöbəsinin 2021-ci ildə elmi və elmi-təşkilatı fəaliyyəti haqqında hesabatları dinlənildi.  Sonra şura üzvləri tərəfindən suallar səsləndirildi, geniş müzakirələr aparıldı və hesabatlar müsbət qiymətləndirildi.

Daha sonra şura üzvləri tərəfindən İSİ-də müvafiq laboratoriya və şöbə müdiri vəzifələrinə seçkilərin keçirilməsi və digər kadr məsələləri müzakirə olundu, səsə qoyularaq müvafiq qəaralar qəbul edildi. Seçkilərin nəticələri ilə bağlı Fizika-Riyaziyyat və Texnika Elmləri Bölməsi (FRTEB) qarşısında vəsatət qaldırılması qərara alındı.

Sonda İnstitutun baş direktoru, akademik Əli Abbasov iclasa yekun vuraraq təqdim olunan hesabatları müsbət qiymətləndirdi, qarşıda duran əsas vəzifələrin yerinə yetirilməsi üçün müəyyən tapşırıqlarını səsləndirdi.