İdarəetmə Sistemləri İnstitutunun alimləri beynəlxalq konfransda məruzə ilə çıxış ediblər
08.12.2021 / XəbərlərAMEA İdarəetmə Sistemləri İnstitutunun (İSİ) 1 saylı laboratoriyasının əməkdaşları 5-9 dekabr 2021-ci il tarixlərində Rusiyanın Kabardin-Balkar Respublikasının Nalçik şəhərində keçirilən «Qeyri-lokal sərhəd məsələləri və riyazi biologiya, informatika və fizikanın əlaqəli problemləri» - B&NAK 2021 VI beynəlxalq elmi konfransında iştirak etmişlər. Konfransın proqramına İSİ əməkdaşlarının 1 plenar və 4 seksiya məruzəsi daxil edilmişdir. Konfrans hibrid formatda keçirilir.
Konfransda AMEA-nın müxbir üzvü, professor Kamil Ayda-zadə plenar məruzə etmiş, daha sonra «Diferensial tənliklər üçün sərhəd məsələləri» seksiyasında dosent Anar Rəhimov və elmi işçi Vüqar Həşimov, « Qeyri-lokal fiziki, bioloji və sosial-iqtisadi proseslərin riyazi modelləşdirilməsi» seksiyasında isə professor Vaqif Abdullayev və dosent Yeganə Əşrəfova məruzə etmişlər. Məruzələr konfrans iştirakçılarının marağına səbəb olmuş, müxtəlif suallar səsləndirilmiş, müzakirələr aparılmışdır.
Konfransa ABŞ, Kanada, Türkiyə, Rusiya, Hindistan, Qazaxıstan və s. ölkələrdən tanınmış alimlər qatılıblar.
Qeyd edək ki, konfrans işini dekabrin 9-na kimi davam etdirəcək.
Konfransla bağlı ətraflı məlumat üçün linkə keçid edə bilərsiniz.