İdarəetmə Sistemləri İnstitutunun əməkdaşı nüfuzlu jurnalın redaksiya heyətinə üzv seçilmişdir

23.12.2021 / Xəbərlər

İdarəetmə Sistemləri İnstitutunun (İSİ) Fiziki, bioloji və iqtisadi proseslərdə idarəetmənin riyazi analizi laboratoriyasının müdiri, r.e.d. İlqar Məmmədov Amerika Birləşmiş Ştatlarında “Science Publishing Group” nəşriyyatı tərəfindən çap olunan “American Journal of Applied Mathematics” jurnalının Redaksiya Heyətinə üzv seçilmişdir.

“American Journal of Applied Mathematics” jurnalı elmi problemlərin həllində riyazi maraq doğuran metodlardan istifadə edən tədqiqatlarla bağlı məqalələri özündə ehtiva edir. Qeyd edək ki, jurnalın redaksiya heyətində müxtəlif ölkələrin, o cümlədən Amerika Birləşmiş Ştatları, Çin kimi bir sıra aparıcı dövlətlərin alimləri təmsil olunur.