8-ci Ümumdünya Yumşaq Hesablamalar Konfransı öz işini davam etdirir
04.02.2022 / Tədbirlər4 fevral 2022-ci il tarixində dünya şöhrətli alim Lütfi Zadənin anadan olmasının yüz illiyinə və elmi irsinə həsr olunmuş VIII Ümumdünya Yumşaq Hesablamalar Konfransı (8th World Conference On Soft Computing) “Lütfi Zadənin irsi: riyaziyyat, sistemlər nəzəriyyəsi, qərar qəbuletmə və idarəetmə üçün təkan” (Lotfi Zadeh's legacy: inspirations for mathematics, systems theory, decision, control) adlı açılış mərasimindən sonra öz işini plenar iclas və paralel seksiyalarla davam etdirib.
Tədbir çərçivəsində Yumşaq hesablama məntiqi toplama (Soft Computing Logic Aggregation), Ağıllı metodlar və qeyri-səlis yanaşma (Inteliggent metods and Fuzzy approach), Ehtimal qeyri-müəyyənliyi (Probabilistic Uncertainty) və Qeyri-səlis idarəetmə sistemləri (Fuzzy control Systems) adlı paralel seksiyalar keçirilib. Sözügedən seksiyalarda J.Dujmoviç, K.Kapre, Amir.I, M.Arif, G.Sidorov, V.M.Palma, A.Gelbux, G.Sidorov, M.Svitek, O.Koşeleva, Ş.Şahbazova, V.Kreinoviç, Y.Kondratenko, O.Skakodub və s. kimi alimlər tərəfindən 20-ə yaxın elmi məruzə dinlənilmişdir. Müxtəlif istiqamətləri əhatə edən məruzələr sırasına Dərin öyrənmə və transfer öyrənmədən istifadə edərək sosial media mətnlərində psixoloji pozğunluqların təsnifatı (Mental Illness Classification on Social Media Texts using Deep Learning and Transfer Learning), Saxta xəbərlərin aşkarlanması üsullarının təhlili (Analysis of Fake News Detection Methods) və s. daxildir.
Sonra plenar sessiyada professorlar T.Yamnoı, I.Rudas, I.Batyrşin, A.Hajiyev, V.Stefanyuk və A.Averkinin iştirakı ilə Kateqorik məlumatların və ştrixli diaqramın izah edilə bilən oxşarlıq korrelyasiyası (Explainable Similarity Correlation of Categorical Data and Bar Chart), Paylanmış yaddaşın riyazi modelləşdirilməsi (Mathematical Modelling of Distributed Memory), Kolmoqorov hekayələri (Kolmogorov Stories) və digər məruzələr dinlənilmişdir.
Qeyd edək ki, konfrans öz işini 5 fevral tarixində davam etdirəcək.