Lütfi Zadənin anadan olmasının yüz illiyinə və elmi irsinə həsr olunmuş tədbir öz işini davam etdirdi
05.02.2022 / Tədbirlər5 fevral 2022-ci il tarixində dünya şöhrətli alim Lütfi Zadənin anadan olmasının yüz illiyinə və elmi irsinə həsr olunmuş VIII Ümumdünya Yumşaq Hesablamalar Konfransı (8th World Conference On Soft Computing) “Qeyri-səlis məntiq və yumşaq hesablama, rəqəmsal intellekt və intellektual texnologiyalar” (Fuzzy Logic and Soft Computing, Computational Intelligence and Intelligent Technologies) adlı açılış mərasimindən sonra öz işini plenar iclas və paralel seksiyalarla davam etdirib.
Plenar sessiyada Tip-2 qeyri-səlis sistemlərin optimallaşdırılması: nəzəriyyə və tətbiqlər (Optimization of Type-2 Fuzzy Systems: Theory and Applications), Multidissiplinar yumşaq hesablama və tətbiqlərdə qabaqcıl aspektlər (Advanced Aspects in Multidisciplinary Soft Computing and Applications), AI, dərin öyrənmə və dərin qeyri-səlis şəbəkə (AI, Deep Learning and Deep Fuzzy Network) və s. mövzularda məruzələr dinlənilib, ətraflı müzakirələr aparılıb. Müzakirələrdə professorlar V.Kreinoviç, O.Kastilyo, T.Yamnoı, A.Averkin, Ş.Şahbazova və digər alimlər iştirak edirdilər.
Tədbir çərçivəsində Qeyri-səlis məntiq və çoxluqlar (Fuzzy Logic and sets), Qeyri-səlis simulyasiya (Fuzzy simulation), Qeyri-səlis tanınma (Fuzzy recognition) və Qeyri-səlis məntiq və tətbiqlər (Fuzzy Logic and applications) adlı paralel seksiyalar keçirilib. Sözügedən seksiyalarda professorlar B.İbrahimov, Ab.Rzayev, N.Ağayev, A.Həsənov, dosentlər Ə.Paşayev, H.Cəfərova və s. alimlər tərəfindən 20-ə yaxın elmi məruzə dinlənilmişdir.