İCT 2015 Konfransi – Lissabon – 20-22 oktyabr 2015-ci il

22.10.2015 / Mühüm xəbərlər

İdarəetmə Sistemləri İnstitutunun əməkdaşlari (şöbə müdiri t.e.n. Tofiq Babayev, Elxan Səbziyev, şöbə müdiri dos. Gülçin Abdullayeva) 20-22 oktyabr 2015-ci il tarixində Lissabonda, Portuqaliyada keçirilən İCT 2015  konfransinda iştirak etmişdilər.

Kommunikasiya şəbəkələri, kontent və texnologiyalari üzrə Avropa Kommisiyasınin direktorluğu və Elm və texnologiya Fondu ilə birgə təşkil edilən bu konfrans AK-nin İKT sahəsində aparilan siyasət və təşəbbüslərinə, xüsusi ilə də yeni Horizon 2020 2016-17 Iş Proqramina və İKT sahəsində Horizon 2020-nin hər üç əsas elementlərinə aid olan proyektlərdə iştirak etməyə dair elanlara həsr olunmuşdur.

Konfrans zamani institutun əməkdaşları aşağidakı proyektləri təqdim etmişdilər:
- "Ürəyin mobil monitoring sistemi”
- "Toksik maddələrlə zərlənmə hallarinin diaqnostika və monitorinqinin intellektual-informasiya sistemi”
- "Dayaq-əzələ aparatinin infeksiyalari olan xəstələrin müalicəsi üçün intellektual-informasiya sistemi”.

Azərbaycanlı iştirakçılar 23 görüş təşkil etmişdilər. Bu görüşlərdə 2016-2017-i Horizon 2020 iş  proqraminin elanları çərçivəsində konsorsiumların yaradilması məsələləri müzakirə edilmişdir.